哥斯大黎加音樂家系列咖啡豆由來貝多芬莫札特咖啡口味

2024-11-13 0

個個都話哥斯大黎加嘅咖啡甜如蜜，咁係因為哥斯大黎加嘅咖啡生豆一般都係蜜處理方式進行處理。鍾意酸嘅會揀非洲衣索俄比亞或者係肯亞；鍾意醇厚嘅都對曼特寧、藍山讚不絕口；而講到甜嘅話，哥斯大黎加係必試嘅產區。

哥斯大黎加係中美洲最早種植咖啡嘅國家，與18世紀末期開始種植咖啡。哥斯大黎加首批阿拉比卡咖啡樹種植於其擁有肥沃土壤、高海拔、氣候涼爽嘅中央山谷區域。後來，哥斯大黎加政府睇到咗咖啡可以為其帶來巨大嘅經濟利益，故在19世紀時，免費給予農夫土地，並鼓勵其種植咖啡，咖啡嘅產量亦因此飆升。1829年，哥斯大黎加嘅咖啡出口量遠超菸草、糖與可可。

當時，哥斯大黎加嘅咖啡產業十分壯大，出咗唔少有權有勢之人，甚至係有富翁出資幫國家建立通往大西洋海岸嘅鐵路，此外建造聖荷西國家歌劇院，可謂係財大氣粗。

據前街了解，哥斯大黎加咖啡產區分為七個大產區：西部山谷（Valley Central Occidental）、中央谷地（Valley Central）、塔拉蘇（Tarrazu）、特雷斯里奧斯（Tres Rios）、奧羅西（Orosi）、布蘭卡（Brunca）、圖里亞爾瓦（Turrialba）。

若要講到音樂與咖啡係絕配，咁以音樂家名字命名嘅咖啡豆就真系值得一試了。前街嘅menu上亦有三款哥斯大黎加音樂家系列嘅豆。

音樂家系列嘅豆產自塔拉蘇產區嘅肯內特莊園（Finca Canet）。塔拉蘇產區係哥斯大黎加最受重視嘅咖啡種植地之一。肯內特莊園係一個小型咖啡莊園，其佔地面積約為5公頃，位於塔拉蘇嘅聖瑪格斯城鎮。肯內特莊園推出嘅音樂家系列共有四款豆，由於生豆處理方式唔同，其出品嘅風味亦係各有特色。

前街menu上有三款音樂家系列嘅豆，貝多芬採用嘅係水洗處理法，以及莫札特採用嘅係葡萄乾蜜處理。

葡萄乾蜜處理即係保留100%嘅果膠以及零水處理嘅方法。提高咗蜜處理加工方法嘅難度，需要對時間有嚴格嘅把控。採收咖啡果實當天即挑選成熟度啱啱好嘅，然後置於高架床上晾乾三天，後去處果皮，保留果膠進行乾燥。

係乾燥嘅過程中需要不停咁翻動咖啡果實，使其均勻乾燥，但頻率需要有掌握，緩慢乾燥確保咖啡具有發酵嘅過程。咁樣處理嘅咖啡豆甜感十足，咖啡風味有白葡萄酒嘅口感同平衡嘅酸味，發酵香氣濃郁。前街認為葡萄乾蜜處理嘅咖啡豆帶有濃郁嘅發酵感以及果乾嘅香甜。

哥斯大黎加莫札特

產區：哥斯大黎加塔拉蘇